മധ്യതിരുവിതാംകൂർ ഭാഗത്തുള്ള നസ്രാണി വീടുകളുടെ അടുക്കളയുടെ ഒരു ഭാഗത്തു നിറം മങ്ങി, ചായക്കറ പിടിച്ചിരിക്കുന്ന ഒരു ഗ്ലാസ്സെങ്കിലും കാണാം. വർഷങ്ങളോളം ആയ കറ കഴുകിയാലും പോവില്ല. അതൊരു സ്മാരകം പോലെ അങ്ങനെ ഇരിക്കും. എന്തൊക്കെയോ ഓർമ്മിപ്പിക്കുന്നോണം. നസ്രാണികളുടെ ജാതീയതയെ കുറിച്ച് പറയുമ്പോൾ എന്നോട് എപ്പോഴും ആരെങ്കിലും ചോദിക്കും, "അതെന്ന, വേറെ ഒള്ള കൂട്ടരുടെ ഒന്നും ജാതീയത നീ കാണുന്നില്ലേ?" ഉണ്ടല്ലോ! പക്ഷെ ഞാൻ നേരിട്ടു കണ്ടും , കേട്ടും എൻറെ കൂട്ടത്തിൽ ഉള്ളവരുടെ തന്നെ ജാതീയതയെ കുറിച്ച് …
നിലമ്പൂരുനിന്നു അവരൊക്കെ വന്നു പോയതിൽ പിന്നെ തലയിൽ ഒരു ഭാഗം നിറയെ അവരുടെ കഥകളാണ്. ചത്തുമലച്ച പരല്മീനുകൾ നിറഞ്ഞ കാട്ടുനിലങ്ങളും, ഇരുട്ടിൽ വലയിടാൻ പോകുന്ന ചെറുപ്പക്കാരനും, ലഹരിയോട് ആർത്തിമൂത്ത കാർന്നോരും, അങ്ങനെ അങ്ങനെ. എന്തുകൊണ്ടാണ് നമുക്കിങ്ങനെ കഥകൾ കിട്ടാത്തതെന്നു ചോദിച്ചപ്പോൾ പങ്കാളി പറഞ്ഞു നമുക്കും ഉണ്ടാവും കഥകളെന്ന്. എന്ത് കഥകൾ എന്ന് ചിന്തിച്ചു കുറെ സമയം അങ്ങനെ പോയി. ശെരിക്കൊരു പുസ്തകം വായിച്ചിട്ടു എത്രയോ ആയി. ലന്തൻ ബത്തേരിയിലെ ലുത്തീനിയകൾ ഒന്നുകൂടെ വായിച്ചു തീർക്കാനായി മേശപ്പുറത്തു എടുത്തു …
എഴുതി ചിട്ടപ്പെടുത്തി വച്ചിരിക്കുന്ന സിലബസിനേക്കാൾ കുട്ടികളുടെ കഴിവുകൾക്കും താല്പര്യങ്ങൾക്കും പ്രാധാന്യം നൽകുന്ന ഒരു സ്കൂൾ . വിദ്യാർത്ഥികളുമായി അടുത്ത ബന്ധം പുലർത്തുന്ന ഒരു പ്രധാന അദ്ധ്യാപകൻ . ഓരോ വിദ്യാർത്ഥിയും തമ്മിൽ വളരെ അധികം വ്യത്യാസങ്ങൾ ഉണ്ടെന്നും അതുകൊണ്ടു തന്നെ അവരെ പഠിപ്പിക്കേണ്ട രീതി പലതാണെന്നും മനസ്സിലാക്കി പ്രവർത്തിക്കുന്ന അദ്ധ്യാപകർ. ശാരീരികമായ വൈകല്യങ്ങൾ ഉള്ളവരും ഇല്ലാത്തവരും ഒരുപോലെ ചങ്ങാത്തം കൂടി പഠിക്കുന്ന ഒരിടം. അതെ ലോകമെങ്ങും പ്രചാരത്തിലുള്ള "ടോട്ടോ-ചാൻ, ജനാലയ്ക്കരികിലെ വികൃതിക്കുട്ടി " എന്ന പുസ്തകത്തിലെ 'ടോമോ …
"എന്തൊരു കഷ്ടമാണ് "ഇരുന്നിരുന്ന കട്ടിലിൽ തന്നെ ഒന്ന് തിരിഞ്ഞിരുന്നു കൊണ്ട് ബലി തിരുമേനി പിറുപിറുത്തു . നീരുവന്നു വീർത്ത കാലുകൾ രണ്ടും മാറി മാറി തിരുമ്മിക്കൊണ്ട് കാലാതീതനായ ആ മഹാനുഭാവൻ തന്റെ വിധിയെ പഴിച്ചു. "എന്തിനാണ് ഇവർ ഒരോ വർഷവും എന്നെ ഇങ്ങനെ ബുദ്ധിമുട്ടിക്കുന്നത്? ഈ കാലുകളുടെ അവസ്ഥ. അതു കൂടാതെ രണ്ടാൾക്കുള്ള ഊണ് ഒരുക്കി വയ്ക്കുന്ന ചിലർ. " ശരീരത്തിൽ നിന്നും ഒലിച്ചിറങ്ങുന്ന മാംസളമായ വയറ് നോക്കി അദ്ദേഹം നെടുവീർപ്പിട്ടു. "പ്രളയം വന്നു നശിച്ച നാടു …
chime.in.the.void 